03 June 2012

بوست للتاريخ .. حتى لا أنسى الأمل ... محاكمة أبو قرن

هل يعقل ؟؟؟
هل ما أشاهده يحدث فعلا .. ما معنى أن يحبس مبارك و يخرج إثنان ؟؟؟


هل يحبس المجرم و يطلق مساعديه السته ؟؟

فقدت الأمل يوم وصل الشفيق إلى الإعاده
و فقدته ساعة سمعت الحكم
لكن أعاده إلى أولئك الصابرون المثابرون المرابطون فى التحرير

و فقط حتى لا أنسى الظلم .. و حتى لا أنسى دم هؤلاء الأحياء عند ربهم كتبت 


التعلب فات التعلب فات
و فى ديله سبع لفات
و الحق مات الحق مات
ماتهيصوا و تزقططوا يا بهوات
ضحكوا علينا و قالولنا الحق قادم
بس الكبار سقطت تهمهم بالتقادم
و الصغار انشغلوا عن الصراخ بالسكات
الحق مات الحق مات
لما سكتنا على الشهيد بيتقتل
قدام عنينا فى الساحات
لما حطيينا فى ودانا سدادات
علشان صراخ ام الشهيد ميأذيناش
يا حسرتى ع الامهات
و دمعونا مش بتسيل غير على مهند و نور
و بكره يا اولاد المره جاى علينا الدور
ما خلاص بقى القتل زى دخول الحمامات
ما رأيكم يا حضرات البهوات
فى الشهيد دمه مغرق ايديكم
لما ارتضيتم السكات
لما غميتم عنيكم بغمامات
ما رأيكم لما رضيتم القعاد
فى التكييفات
و الفرجه ع التليفريونات
و رفضتوا حتى اتنزلوا تشيلو الشهيد
رموه الكلاب فى صناديق الزباله
و اكتفيتوا بالقعدة ع القهاوى و ع البارات
فإشربوا النبيت متحلى بدم الشهيد
و ارضوا المبيت زى العبيد
فى احضان نسوان عبيد
ده بكره هييجى يومكم
و تترموا فى صناديق الزباله
فلا تندمو و لا تزعلو ما اصل خلاص
الحق مات الحق مات

No comments:

Post a Comment