27 May 2012

جوايا فضا



جوايا فضا
و صرخه مكتومه
و برغم الكتمه ليها صدى
جوايا ليل
طويل ملوش مدى
جوايا نار ملهاش نور
و نهار محاوطه الف سور
و كتاب اتمسحت منه السطور
و خوف م النهارده اللى ابتدى
و حنين لإمبارح مضى
جوايا فضا 

و قلب خالى
لعبت بيه الليالى
من طول السهر
و حكم عليه الزمن
يجاور القمر
و طول طريق السفر
ممنوع عليا اكلمه
ما اصل الوحده قدر
و منملكش غير الرضا
فاسمحلى يا قمر
انى اعتذر
و اقدملك ورده دبلت
علشان وحشها الندى
بس منين يجى الندى
و أنا كل اللى جوايا فضا

الحلم مش بيموت



الناس اللى مش مؤيده لمرسى من الأساس و قررت الأن تأييده ضد شفيق .. أنا بكره فيكم تشاؤمكم ... مع ان لو المفروض لو كنا إتعلمنا حاجه من أبو الفتوح و حمدين نكون إتعلمنا منهم الأمل و الحِلم .. طالما النتيجه لم تعلن رسميا فأنا لسه مع حمدين و واثق إنه هيخش الإعاده و هينجح إن شاء الله

لسه عندى أمل إن مصر القويه حلم د. أبو الفتوح .. سيبنيها واحد مننا أ. حمدين صباحى

حريَه



شعب مصر شعب عظيم و فيه حاجه جميله .. إنه أكتر شعب بيحب الحريه .. بيعشقها .. لدرجة إنه يفضل أن يكون مستعبدا كى لا يحرم من عشق الحريه و التطلع إليها ..



25 May 2012

الفاتحه للشهدا

عمرى فى حياتى ما كنت خايف كده .. و عمرى ما كنت متوتر للدرجه دى .. دا أنا حتىمكنتش كده و أنا مستنى نتيجة الثانويه العامه ..  دلوقتى أنا مستنى نتيجة إنتخابات الرئاسه .. و مرعوب .. مية سيناريو عمالين يقلبوا و يضربوا فى دماغى .. مش عارف مين هيكسب و مين هيسقط ... كل اللى عارفه إن عملت اللى عليا و نزلت و حطيت صوتى ..  لمرشح ثورى .. فيه نتايج أوليه كتيره بتظهر دلوقت .. و معظمها بيثول ان شفيق و مرسى هيكون ما بينهم الإعاده .. بيقولوا شفيق واخد حوالى  4 مليون صوت .. 4 مليون واحد بيدعموا قتلة الثوار .. 4 مليون مصرى فقدوا إنسانيتهم و مبادئهم و دينهم و أخلاقهم و قرروا إنهم يدوا أصواتهم لقاتل إخواتهم .. لك الله يا مصر و على شهدائك الفاتحه .. علها تهون عليهم مصابهم فى بلدهم


 

13 May 2012

أعتذر



بإسم قلبى الذى ارتكب ذنبا لا يغتفر
أعتذر
الى عقلى الذى غيبته
و شعرى الذى كتبته
و عمرى الذى ضيعته
فى عشق إمرأة قررت الا تنتظر
بإسم قلبى أعتذر
عن حبى لها و ضعفى الذى انتصر
عن ليالى عشقى و شوقى
و مناجاتى للقمر
و استسلامى بين يديها للقدر
و اعتذر
اليها .. الى محبوبتى
و عينيها الدامعتان
و يديها المرتعشتان
و فؤادها المحتضر
و التمس لها عذرا
فلا احد قد يحتمل
ان ينتظر
.....

05 May 2012

ثوره !!!!!!!

حقا منتهى العبث .. ان يخرج علينا احدهم داعيا الى ثوره اسلاميه هدفها ارجاع مرشح بعينه الى قائمة المرشحين .. او اقالة لجنه انتخابيه او حتى اسقاط المجلس العسكرى ..ان الثوره الاسلاميه الحقيقيه التى نحتاجها الان هى تلك الأخلاقيه التى تعيد الاسلام الوسطى المعتدل الى قلوب المصريين .. هى تلك الثورة التى تقضى على الارهاب و التحرش و الرشوه و الواسطه و المحسوبيه و القمامه .. و ليست لرفع علم السعوديه فى أى من ميادين مصر .. إذا أردنا أن ننقذ مصر فنحن نحتاج إلى ثوره مصريه .. ثوره لا نتهاون فيها فى حق من ماتوا فى ماسبيرو محمد محمود و مجلس الوزرا و غيرهم من شهداء الوطن ..

03 May 2012

مناجاه

قصيده أكثر من رائعه ..
من تأليف صديقى
رضا أحمد

وقفت عيناي امام البحر تناجي
والشوق يملأ مهجتي وكياني
والموج يعلو ثم يهبط كاسرا
وفتات الصخر صار منه يعاني
ناجيت البحر لطفا بالقلب الذي
يشكو اليك قسوة الخلان
وسالت الموج ما ذنب الصخر الذي
مزقته وكسرته بهوان
وجئت اليك رافعا شكوتي
من حزن قلبي وكثرة الحرمان
فقد بلغت من هذا العشق الذرا
وكدت افقد بسمتي وزماني
فامنن عليا فالحياة ببسمة
ووجه روحي نحو ذا الانسان
اني رايت ان حياتي بغيره
حزن وغم وفقد اماني
سالت دموعي عندما فارقته
وبكاء القلب كثرما اخزاني
طالت ليالي الحزن فالي متي
سهر بلا نوم وفراق ذي الاحزان
جئت اليك بقلب شاك منهزم
ام تراني ضللت فالعنوان
فاجابني ماذا تقول يا فتي
ان جودي علي العشاق مدي الازمان
ولكم لقيت من العشاق مواجع
اتوا الي كي امنيهم باماني
وتراكم الحزن علي ارواحهم
وتركتهم بلا شكوي ولا خذلان
واجابني صفها لي ولا تكن
في الحب ذا خوف ولا كتمان
فاجبته ماذا اقول لوصفها
ولا اجد للوصف فيها معاني
اني عشقت ذي الحياة لاجلها
وانا بها كالعاشق الولهان
في عينها نور يضاهيه القمر
وهمسها من اعذب الالحان
وفي شفتيها بسمة مرسومة
وضحكة من قلبها سيان
ولمسة من شعرها كانه
احلي من الحرير والكتان
في وجهها تري الانوار لاليء
وجمالها كاللؤلؤ المرجان
حورية في خدرها مكنونة
ومصونة بحيائها الرباني
اعطاها ربي من صفات حوريه
فنعم ذاك الجود من الرحمن
انها في قلبي شمس لا تغيب
وبدونها اصير سيد العميان
وبدونها اري الظلام ليالي
لا شمس تشرق ولا قمر اضواني
ملكت قلبي وانشغلت بها افكاري
وهام في عشقها قلبي ووجداني
وكيف بقلبي ان يعيش بغيرها
ونبض قلبي يموت بالفقدان
واني قطعت علي نفسي العهود
الا افارقها ولو لثواني
 

01 May 2012

قارئة الفنجان

لما بسمع قارئة الفنجان .. بحس إن مفيش أغنيه إتغنت غيرها
 







جَلَسَت والخوفُ بعينيها
تتأمَّلُ فنجاني المقلوب
قالت:
يا ولدي.. لا تَحزَن
فالحُبُّ عَليكَ هوَ المكتوب
يا ولدي،
قد ماتَ شهيداً
من ماتَ على دينِ المحبوب
فنجانك دنيا مرعبةٌ
وحياتُكَ أسفارٌ وحروب..
ستُحِبُّ كثيراً يا ولدي..
وتموتُ كثيراً يا ولدي
وستعشقُ كُلَّ نساءِ الأرض..
وتَرجِعُ كالملكِ المغلوب
بحياتك يا ولدي امرأةٌ
عيناها، سبحانَ المعبود
فمُها مرسومٌ كالعنقود
ضحكتُها موسيقى و ورود
لكنَّ سماءكَ ممطرةٌ..
وطريقكَ مسدودٌ.. مسدود
فحبيبةُ قلبكَ.. يا ولدي
نائمةٌ في قصرٍ مرصود
والقصرُ كبيرٌ يا ولدي
وكلابٌ تحرسُهُ.. وجنود
وأميرةُ قلبكَ نائمةٌ..
من يدخُلُ حُجرتها مفقود..
من يطلبُ يَدَها..
من يَدنو من سورِ حديقتها.. مفقود
من حاولَ فكَّ ضفائرها..
يا ولدي..
مفقودٌ.. مفقود
بصَّرتُ.. ونجَّمت كثيراً
لكنّي.. لم أقرأ أبداً
فنجاناً يشبهُ فنجانك
لم أعرف أبداً يا ولدي..
أحزاناً تشبهُ أحزانك
مقدُورُكَ.. أن تمشي أبداً
في الحُبِّ .. على حدِّ الخنجر
وتَظلَّ وحيداً كالأصداف
وتظلَّ حزيناً كالصفصاف
مقدوركَ أن تمضي أبداً..
في بحرِ الحُبِّ بغيرِ قُلوع
وتُحبُّ ملايينَ المَرَّاتِ...
وترجعُ كالملكِ المخلوع..

.........
نزار قبانى