01 July 2011

الرحال

من غير مقدمات كتير

اول بوست ليا فى المدونه

أول شعر كتبته فى حياتى

أنا عارف انها مش اللى هى

بس

أتمنى انها تعجبكم

الرحال



مشيت فى رحله و الترحال كارى
و سيبت اهلى و عزوتى و دارى
و مشيت فى صحرا ليلها طويل
باشكى لقمرها سر ترحالى
شاف القمر دمعى الحزين
نادانى وسالنى برقه عن حالى
رد عليه قلبى غصب عنى و قاله
دمع عاشق خانه حبيبه الغالى
قالى القمر احكى و اشكى
بس بايه اوصف ما جرالى
دموعى سبقت كلامى
و دموع القمر جاوبت سؤالى
قالى القمر مش شايفنى وحيد
مليش ونيس و تفتكر قلبى خالى
قلبى فيه غرام يعيش فى قلوب
العاشقين للمعشوقين يملا عليا الليالى
سالته يا ترى يا قمر شايف حبيبتى
طب قلى نسيتنى ولا مشتقاه لى
سكت القمر .. و سكوته قتلنى
و بدمعته قالى انساها
قلتله حتى لو نسيتنى مش ممكن نسيانها يخطر على بالى
و ادى يا ليل حكايتى مع القمر
فارق حبيبى عينيا بس عمره ما فارق خيالى
كملت الرحله و الترحال كارى
من صحرا لصحرا .. و صديقى الليل
و قمره كان سر ترحالى

.........................................................................

No comments:

Post a Comment